chhoD kar nishan apna be-nishan bhi hoga
chhoḌ kar nishāñ apnā be-nishān bhī hogā
apnī shohratoñ se vo bad-gumān bhī hogā
'aks us ke chehre kā chehra chehra dekhoge
vo zamīn hai to kal āsmān bhī hogā
tazkaroñ ke darvāze be-sabab nahīñ khulte
us ke raaz kā koī rāz-dān bhī hogā
titliyāñ ḳhayāloñ kī dhuup meñ nahīñ uḌtīñ
shahr meñ umīdoñ kā sā.ebān bhī hogā
tajrabe ke shīshe bhī saath le chalo apne
jab shikasta haiñ rāheñ nesh-e-jān bhī hogā
soch ke samundar meñ Dūbne se kyā hāsil
jab yaqīn aa.egā to gumān bhī hogā
pattharoñ se phūTegī raushnī zarūr ik din
vaqt TuuTe lamhoñ par mehrbān bhī hogā
chhoD kar nishan apna be-nishan bhi hoga
apni shohraton se wo bad-guman bhi hoga
'aks us ke chehre ka chehra chehra dekhoge
wo zamin hai to kal aasman bhi hoga
tazkaron ke darwaze be-sabab nahin khulte
us ke raaz ka koi raaz-dan bhi hoga
titliyan KHayalon ki dhup mein nahin uDtin
shahr mein umidon ka saeban bhi hoga
tajrabe ke shishe bhi sath le chalo apne
jab shikasta hain rahen nesh-e-jaan bhi hoga
soch ke samundar mein Dubne se kya hasil
jab yaqin aaega to guman bhi hoga
pattharon se phuTegi raushni zarur ek din
waqt TuTe lamhon par mehrban bhi hoga
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
