aankhen bhi dil ki hoti hain ghammaz dekhna

āñkheñ bhī dil kī hotī haiñ ġhammāz dekhnā

ġhairoñ pe khul na jaa.e kahīñ raaz dekhnā

jo dushman-e-bahār the gul-posh ho gaye

kāñToñ pe chal rahe haiñ chaman-sāz dekhnā

tanhā.iyoñ kī kaun sī manzil pe aa ga.ī

hai ajnabī sī apnī hī āvāz dekhnā

maanā ki bol-bālā abhī zulmatoñ kā hai

chamke 'ufuq to sub.h ke andāz dekhnā

shāhīn ko bhalā kisī āñgan se kyā ġharaz

de āsmān phir mirī parvāz dekhnā

jis ne zabān kaaT dī āvāz chhīn lī

hāthoñ meñ de gayā vahī ik saaz dekhnā

patthar ko phuul phuul ko patthar banā diyā

us kī nigāh-e-nāz kā e'jāz dekhnā

kal bhī hasīn aur javāñ thī ġhazal 'alī'

kis rang meñ hai aaj ye shahnāz dekhnā

aankhen bhi dil ki hoti hain ghammaz dekhna

ghairon pe khul na jae kahin raaz dekhna

jo dushman-e-bahaar the gul-posh ho gaye

kanTon pe chal rahe hain chaman-saz dekhna

tanhaiyon ki kaun si manzil pe aa gai

hai ajnabi si apni hi aawaz dekhna

mana ki bol-baala abhi zulmaton ka hai

chamke 'ufuq to subh ke andaz dekhna

shahin ko bhala kisi aangan se kya gharaz

de aasman phir meri parwaz dekhna

jis ne zaban kaT di aawaz chhin li

hathon mein de gaya wahi ek saz dekhna

patthar ko phul phul ko patthar bana diya

us ki nigah-e-naz ka e'jaz dekhna

kal bhi hasin aur jawan thi ghazal 'ali'

kis rang mein hai aaj ye shahnaz dekhna