utar rahi hai ragon mein siyah raat abhi

utar rahī hai ragoñ meñ siyāh raat abhī

lahū lahū na maiñ kar duuñ ye kā.enāt abhī

vo jis ke chole pe paivand se chamakte haiñ

usī kī jeb se nikleñge mumkināt abhī

mujhe to aur bhī kuchh husn dekhnā hai tirā

bahut hī kam haiñ mujhe terī shash-jihāt abhī

jadīd daur hai āvāz se vo likhtā hai

ki pheñk aayā muqaddas qalam davāt abhī

ye kal kī baat hai kyā sidq-o-kizb niklegā

mujhe 'azīz haiñ 'bāsit' tavahhumāt abhī

utar rahi hai ragon mein siyah raat abhi

lahu lahu na main kar dun ye kaenat abhi

wo jis ke chole pe paiwand se chamakte hain

usi ki jeb se niklenge mumkinat abhi

mujhe to aur bhi kuchh husn dekhna hai tera

bahut hi kam hain mujhe teri shash-jihat abhi

jadid daur hai aawaz se wo likhta hai

ki phenk aaya muqaddas qalam dawat abhi

ye kal ki baat hai kya sidq-o-kizb niklega

mujhe 'aziz hain 'basit' tawahhumat abhi