dastakon ka jawab aane tak

dastakoñ kā javāb aane tak

Dhal ga.ī raat ḳhvāb aane tak

ye gunah-gār mar chuke hoñge

āsmāñ se 'azāb aane tak

dāstāñ kitnī chhoḌ aate haiñ

marqadoñ par gulāb aane tak

har jahālat ko āgahī kahiye

shahr meñ inqalāb aane tak

pattharoñ ne ḳhudā.ī kī ham par

ik mujassam kitāb aane tak

kaif-o-mastī meñ ġharq thiiñ 'qāsim'

bastiyāñ zer-e-āb aane tak

dastakon ka jawab aane tak

Dhal gai raat KHwab aane tak

ye gunah-gar mar chuke honge

aasman se 'azab aane tak

dastan kitni chhoD aate hain

marqadon par gulab aane tak

har jahaalat ko aagahi kahiye

shahr mein inqalab aane tak

pattharon ne KHudai ki hum par

ek mujassam kitab aane tak

kaif-o-masti mein gharq thin 'qasim'

bastiyan zer-e-ab aane tak