kisi nazar mein kisi baam par sitara nahin
kisī nazar meñ kisī baam par sitāra nahīñ
ye kaisī shab hai koī mo'tabar sitāra nahīñ
fazā kā rang vahī hai jo aap dekhte haiñ
ye apnī aañkh chamaktī hai sir sitāra nahīñ
vo aañkh band hai aur rāste nahīñ khulte
bhaTakte phiriye nishān-e-safar sitāra nahīñ
siyāh shab meñ chamaktā huuñ jis tarah se 'kumār'
mire ḳhamīr meñ kyā hai agar sitāra nahīñ
kisi nazar mein kisi baam par sitara nahin
ye kaisi shab hai koi mo'tabar sitara nahin
faza ka rang wahi hai jo aap dekhte hain
ye apni aankh chamakti hai sir sitara nahin
wo aankh band hai aur raste nahin khulte
bhaTakte phiriye nishan-e-safar sitara nahin
siyah shab mein chamakta hun jis tarah se 'kumar'
mere KHamir mein kya hai agar sitara nahin
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
