qurbat bhi nahin dil se utar bhi nahin jata
qurbat bhī nahīñ dil se utar bhī nahīñ jaatā
vo shaḳhs koī faisla kar bhī nahīñ jaatā
āñkheñ haiñ ki ḳhālī nahīñ rahtī haiñ lahū se
aur zaḳhm-e-judā.ī hai ki bhar bhī nahīñ jaatā
vo rāhat-e-jāñ hai magar is dar-badarī meñ
aisā hai ki ab dhyān udhar bhī nahīñ jaatā
ham dohrī aziyyat ke giraftār musāfir
paañv bhī haiñ shal shauq-e-safar bhī nahīñ jaatā
dil ko tirī chāhat pe bharosa bhī bahut hai
aur tujh se bichhaḌ jaane kā Dar bhī nahīñ jaatā
pāgal hue jaate ho 'farāz' us se mile kyā
itnī sī ḳhushī se koī mar bhī nahīñ jaatā
qurbat bhi nahin dil se utar bhi nahin jata
wo shaKHs koi faisla kar bhi nahin jata
aankhen hain ki KHali nahin rahti hain lahu se
aur zaKHm-e-judai hai ki bhar bhi nahin jata
wo rahat-e-jaan hai magar is dar-badari mein
aisa hai ki ab dhyan udhar bhi nahin jata
hum dohri aziyyat ke giraftar musafir
panw bhi hain shal shauq-e-safar bhi nahin jata
dil ko teri chahat pe bharosa bhi bahut hai
aur tujh se bichhaD jaane ka Dar bhi nahin jata
pagal hue jate ho 'faraaz' us se mile kya
itni si KHushi se koi mar bhi nahin jata
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
