badla tere sitam ka koi tujhse kya kare

badla tire sitam kā koī tujh se kyā kare

apnā hī tū farefta hove ḳhudā kare

qātil hamārī nā'sh kī tash.hīr hai zarūr

ā.inda tā koī na kisī se vafā kare

fikr-e-ma'āsh 'ishq-e-butāñ yād-e-raftagāñ

is zindagī meñ ab koī kyā kyā kiyā kare

'ālam ke biich phir na rahe rasm-e-‘āshiqī

gar niim lab koī tire shikve se vā kare

gar ho sharāb-o-ḳhalvat-e-mahbūb-e-ḳhūb-rū

zāhid tujhe qasam hai jo tū ho to kyā kare

badla tere sitam ka koi tujh se kya kare

apna hi tu farefta howe KHuda kare

qatil hamari na'sh ki tashhir hai zarur

aainda ta koi na kisi se wafa kare

fikr-e-ma'ash 'ishq-e-butan yaad-e-raftagan

is zindagi mein ab koi kya kya kiya kare

'alam ke bich phir na rahe rasm-e-‘ashiqi

gar nim lab koi tere shikwe se wa kare

gar ho sharab-o-KHalwat-e-mahbub-e-KHub-ru

zahid tujhe qasam hai jo tu ho to kya kare