ye faza qaid hai ye zamin qaid hai
ye fazā qaid hai ye zamīñ qaid hai
aadmī jis jagah hai vahīñ qaid hai
kā.enāt aa ga.ī ghar kī dahlīz par
ye suhūlat bhī kyā dil-nashīñ qaid hai
maiñ ne pūchhā ki kyā rah-numā hai anā
us ne hañs kar kahā jī nahīñ qaid hai
maiñ use jaisā chāhūñ vo vaisā hī ho
ye tamannā bhī dil ke ta.iiñ qaid hai
laakh āgāh hoñ ḳhud-farebī se ham
ziist phir bhī kahīñ na kahīñ qaid hai
ye faza qaid hai ye zamin qaid hai
aadmi jis jagah hai wahin qaid hai
kaenat aa gai ghar ki dahliz par
ye suhulat bhi kya dil-nashin qaid hai
main ne puchha ki kya rah-numa hai ana
us ne hans kar kaha ji nahin qaid hai
main use jaisa chahun wo waisa hi ho
ye tamanna bhi dil ke tain qaid hai
lakh aagah hon KHud-farebi se hum
zist phir bhi kahin na kahin qaid hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
