is mohabbat ne baDa KHwar kiya hai hum ko

is mohabbat ne baḌā ḳhvār kiyā hai ham ko

be-karāñ dard se do-chār kiyā hai ham ko

kū-e-jānāñ meñ khule rāz-e-nihān-e-hastī

'ishq ne sāhib-e-asrār kiyā hai ham ko

'umr-bhar lagtā nahīñ ham ko rihā.ī degā

jis tarah us ne giraftār kiyā hai ham ko

duniyā-dāroñ ne banāyā hai hameñ duniyā-dār

kār-e-bekār ne be-kār kiyā hai ham ko

zindagī terā na ehsān kabhī bhūleñge

tū ne 'ġhālib' kā taraf-dār kiyā hai ham ko

is mohabbat ne baDa KHwar kiya hai hum ko

be-karan dard se do-chaar kiya hai hum ko

ku-e-jaanan mein khule raaz-e-nihan-e-hasti

'ishq ne sahib-e-asrar kiya hai hum ko

'umr-bhar lagta nahin hum ko rihai dega

jis tarah us ne giraftar kiya hai hum ko

duniya-daron ne banaya hai hamein duniya-dar

kar-e-bekar ne be-kar kiya hai hum ko

zindagi tera na ehsan kabhi bhulenge

tu ne 'ghaalib' ka taraf-dar kiya hai hum ko