hujum-e-dostan jaez kahan hai

hujūm-e-dostāñ jaa.ez kahāñ hai

shumār-e-dushmanāñ jaa.ez kahāñ hai

tabassum zer-e-lab jaa.ez hai lekin

yahāñ āh-o-fuġhāñ jaa.ez kahāñ hai

sunānī hai unheñ un kī kahānī

hadīs-e-dīgarāñ jaa.ez kahāñ hai

miTā do dāġh-e-sajda bhī jabīñ se

kahīñ koī nishāñ jaa.ez kahāñ hai

qafas meñ baiTh kar ai ham-safīro

binā-e-āshiyāñ jaa.ez kahāñ hai

musalsal chalte rahnā rah-navardo

shikast-e-jism-o-jāñ jaa.ez kahāñ hai

ye jhūTī shān-o-shaukat kī numā.ish

ye tarz-e-be-amāñ jaa.ez kahāñ hai

ḳhafā ho kar na mujh se duur baiTho

mohabbat meñ gumāñ jaa.ez kahāñ hai

sadā uThtī nahīñ kū-e-nidā se

ḳhayāl-e-raftagāñ jaa.ez kahāñ hai

'azīm' achchhī nahīñ hai mai-gusārī

vaqār-e-mai-kashāñ jaa.ez kahāñ hai

hujum-e-dostan jaez kahan hai

shumar-e-dushmanan jaez kahan hai

tabassum zer-e-lab jaez hai lekin

yahan aah-o-fughan jaez kahan hai

sunani hai unhen un ki kahani

hadis-e-digaran jaez kahan hai

miTa do dagh-e-sajda bhi jabin se

kahin koi nishan jaez kahan hai

qafas mein baiTh kar ai ham-safiro

bina-e-ashiyan jaez kahan hai

musalsal chalte rahna rah-nawardo

shikast-e-jism-o-jaan jaez kahan hai

ye jhuTi shan-o-shaukat ki numaish

ye tarz-e-be-aman jaez kahan hai

KHafa ho kar na mujh se dur baiTho

mohabbat mein guman jaez kahan hai

sada uThti nahin ku-e-nida se

KHayal-e-raftagan jaez kahan hai

'azim' achchhi nahin hai mai-gusari

waqar-e-mai-kashan jaez kahan hai