kamar kamar se mila kar akela baiTha hun
kamar kamar se milā kar akelā baiThā huuñ
lahad se Tek lagā kar akelā baiThā huuñ
dilāse de ke sab apne gharoñ ko lauT ga.e
maiñ ġham kā bojh uThā kar akelā baiThā huuñ
bachā nahīñ koī harf-e-tasallī apne liye
sharīk-e-ġham ko sulā kar akelā baiThā huuñ
kisī tarah tirī maujūdgī na ban paa.ī
zamīñ kā chaak ghumā kar akelā baiThā huuñ
maiñ baiThtā thā kabhī us ke pahlū meñ 'hāris'
ab us kī qabr pe aa kar akelā baiThā huuñ
kamar kamar se mila kar akela baiTha hun
lahad se Tek laga kar akela baiTha hun
dilase de ke sab apne gharon ko lauT gae
main gham ka bojh uTha kar akela baiTha hun
bacha nahin koi harf-e-tasalli apne liye
sharik-e-gham ko sula kar akela baiTha hun
kisi tarah teri maujudgi na ban pai
zamin ka chaak ghuma kar akela baiTha hun
main baiThta tha kabhi us ke pahlu mein 'haaris'
ab us ki qabr pe aa kar akela baiTha hun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
