dil phenke hai ghairon ki taraf balki jigar bhi
dil pheñke hai ġhairoñ kī taraf balki jigar bhī
bahlāne ko kar detā hai yaañ ek nazar bhī
jaltā hai ye siina mirā kuḌhtā hai jigar bhī
ġhairoñ pe jo paḌtī hai tirī ek nazar bhī
uThtā jo thā kuchh dard patā miltā thā dil kā
yuuñ lagtā hai ab dil ye idhar bhī hai udhar bhī
qāsid na rahī ab ke hameñ terī zarūrat
ab aag barābar sī idhar bhī hai udhar bhī
āñkhoñ se girā dete haiñ 'ushshāq ke lashkar
qābil ho agar koī to milte haiñ hunar bhī
ye sun ke parī-zādoñ ne zulfoñ ko sañvārā
kahte hī ho aatā hai tumheñ koī hunar bhī
kyā 'arsalāñ' aatī hai kabhī maut bulā.e
kuchh 'ishq to kar jaan jalā phir kahīñ mar bhī
dil phenke hai ghairon ki taraf balki jigar bhi
bahlane ko kar deta hai yan ek nazar bhi
jalta hai ye sina mera kuDhta hai jigar bhi
ghairon pe jo paDti hai teri ek nazar bhi
uThta jo tha kuchh dard pata milta tha dil ka
yun lagta hai ab dil ye idhar bhi hai udhar bhi
qasid na rahi ab ke hamein teri zarurat
ab aag barabar si idhar bhi hai udhar bhi
aankhon se gira dete hain 'ushshaq ke lashkar
qabil ho agar koi to milte hain hunar bhi
ye sun ke pari-zadon ne zulfon ko sanwara
kahte hi ho aata hai tumhein koi hunar bhi
kya 'arsalan' aati hai kabhi maut bulae
kuchh 'ishq to kar jaan jala phir kahin mar bhi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
