yun ehtijaj ki surat bahaal karne lagi

yuuñ ehtijāj kī sūrat bahāl karne lagī

maiñ apnī zaat se chubhte savāl karne lagī

kisī ke tanz ke bā'is hunar 'atā huā hai

yuuñ hī nahīñ maiñ achānak kamāl karne lagī

haqīqī 'aks se maiñ āshnā huī jab se

ḳhud aa.ine kī bahut dekh-bhāl karne lagī

koī bhī vaqt ho haTtā nahīñ hai ik saaya

maiñ ik darīche ko kitnā nihāl karne lagī

añdherā chhaTne se pahle maiñ sajda-rez huī

darāz apnā maiñ dast-e-savāl karne lagī

savāl karne lage nāqidīn ab 'ḳhushbū'

suḳhan meñ apnī maiñ qaa.em misāl karne lagī

yun ehtijaj ki surat bahaal karne lagi

main apni zat se chubhte sawal karne lagi

kisi ke tanz ke ba'is hunar 'ata hua hai

yun hi nahin main achanak kamal karne lagi

haqiqi 'aks se main aashna hui jab se

KHud aaine ki bahut dekh-bhaal karne lagi

koi bhi waqt ho haTta nahin hai ek saya

main ek dariche ko kitna nihaal karne lagi

andhera chhaTne se pahle main sajda-rez hui

daraaz apna main dast-e-sawal karne lagi

sawal karne lage naqidin ab 'KHushbu'

suKHan mein apni main qaem misal karne lagi