sadi hujum-e-yar mein phir paDh nai ghazal

'sā'dī' hujūm-e-yār meñ phir paḌh na.ī ġhazal

hai qais intizār meñ phir paḌh na.ī ġhazal

ik shīshe par hazār sitam-hā-e-sang haiñ

is 'ahd-e-iztirār meñ phir paḌh na.ī ġhazal

shamshīr-e-be-niyām ba-kaf haiñ sitam-girāñ

shahr-e-satīza-kār meñ phir paḌh na.ī ġhazal

phir se huā hai ḳhūn-e-umīd-e-vafā-shi'ār

bazm-e-sitam-shi'ār meñ phir paḌh na.ī ġhazal

sūraj se 'ahd-e-sāya liyā ham the bevaqūf

har sū tapish hai daar meñ phir paḌh na.ī ġhazal

vīrāñ chaman udaas hai rut ġham kī hai fazā

yād-e-shab-e-bahār meñ phir paḌh na.ī ġhazal

'sā'dī' jahān-e-'ishq se ho jā alaihda

tā-dam ḳhayāl-e-yār meñ phir paḌh na.ī ġhazal

'sa'di' hujum-e-yar mein phir paDh nai ghazal

hai qais intizar mein phir paDh nai ghazal

ek shishe par hazar sitam-ha-e-sang hain

is 'ahd-e-iztirar mein phir paDh nai ghazal

shamshir-e-be-niyam ba-kaf hain sitam-giran

shahr-e-satiza-kar mein phir paDh nai ghazal

phir se hua hai KHun-e-umid-e-wafa-shi'ar

bazm-e-sitam-shi'ar mein phir paDh nai ghazal

suraj se 'ahd-e-saya liya hum the bewaquf

har su tapish hai dar mein phir paDh nai ghazal

viran chaman udas hai rut gham ki hai faza

yaad-e-shab-e-bahaar mein phir paDh nai ghazal

'sa'di' jahan-e-'ishq se ho ja alaihda

ta-dam KHayal-e-yar mein phir paDh nai ghazal