jo aag ko gulzar kare koi nahin hai
jo aag ko gulzār kare koī nahīñ hai
haq baat sar-e-dār kare koī nahīñ hai
mansūb to sūraj se ka.ī naam yahāñ haiñ
jo tīrgī ko taar kare koī nahīñ hai
ābād jahāñ sūrat-e-insāñ haiñ darinde
un mahloñ ko mismār kare koī nahīñ hai
sab gung zabāneñ haiñ yahāñ shaah ke aage
jo raa.e kā iz.hār kare koī nahīñ hai
qātil ko hī shābāsh diye jaate haiñ sab log
jo us ko nigūñ-sār kare koī nahīñ hai
sab niiñd kī golī hī khilāte haiñ masīhā
jo niiñd se bedār kare koī nahīñ hai
jo aag ko gulzar kare koi nahin hai
haq baat sar-e-dar kare koi nahin hai
mansub to suraj se kai nam yahan hain
jo tirgi ko tar kare koi nahin hai
aabaad jahan surat-e-insan hain darinde
un mahlon ko mismar kare koi nahin hai
sab gung zabanen hain yahan shah ke aage
jo rae ka izhaar kare koi nahin hai
qatil ko hi shabash diye jate hain sab log
jo us ko nigun-sar kare koi nahin hai
sab nind ki goli hi khilate hain masiha
jo nind se bedar kare koi nahin hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
