hua hai is tarh jalwa-ara wo parda-dari se tang ho kar

huā hai is tarh jalva-ārā vo parda-dārī se tang ho kar

kahīñ hai tāroñ kā husn ban kar kahīñ hai phūloñ kā rang ho kar

haram kā māhaul hī alag hai yahāñ vo kaise dikhā.ī degā

butoñ kī sūrat meñ Dhal gayā hai jo husn taqdīr-e-sang ho kar

bachāte kaise ham āshiyāna thī chaar tinkoñ kī kyā haqīqat

zamīñ tak aa.e jab ek bijlī falak-nashīnī se tang ho kar

ziyā-e-'āriz chamak rahī hai laboñ kī surḳhī dahak rahī hai

sahar ke hisse meñ nuur ho kar shafaq ke hisse meñ rang ho kar

vo paa.eñ mar kar bhī zindagānī to kis qadar bad-havās hoñge

ajal ko āvāz de rahe haiñ jo zindagānī se tang ho kar

qarīb hai kuchh dinoñ se ġham bhī gale lagā.eñ na kyuuñ usī ko

ḳhushī ne ham ko bhulā diyā jab hamāre dil kī umang ho kar

'adīl' jo baat ḳhauf-e-jāñ se baḌe baḌe bhī na kahne paa.e

kahī hai vo baat daar par bhī kisī ne be-nām-o-nang ho kar

hua hai is tarh jalwa-ara wo parda-dari se tang ho kar

kahin hai taron ka husn ban kar kahin hai phulon ka rang ho kar

haram ka mahaul hi alag hai yahan wo kaise dikhai dega

buton ki surat mein Dhal gaya hai jo husn taqdir-e-sang ho kar

bachate kaise hum aashiyana thi chaar tinkon ki kya haqiqat

zamin tak aae jab ek bijli falak-nashini se tang ho kar

ziya-e-'ariz chamak rahi hai labon ki surKHi dahak rahi hai

sahar ke hisse mein nur ho kar shafaq ke hisse mein rang ho kar

wo paen mar kar bhi zindagani to kis qadar bad-hawas honge

ajal ko aawaz de rahe hain jo zindagani se tang ho kar

qarib hai kuchh dinon se gham bhi gale lagaen na kyun usi ko

KHushi ne hum ko bhula diya jab hamare dil ki umang ho kar

'adil' jo baat KHauf-e-jaan se baDe baDe bhi na kahne pae

kahi hai wo baat dar par bhi kisi ne be-nam-o-nang ho kar