ganj-e-guftar ko galiyon mein ganwa kar nikle

ganj-e-guftār ko galiyoñ meñ gañvā kar nikle

ek ḳhāmoshī ko chehre pe sajā kar nikle

terī duniyā ne tire bhed ko samjhā na sunā

apnā mansab to yahī thā ki sujhā kar nikle

bint-e-kashmīr kī rotī huī fariyād suno

ik ḳhabar bechne bāzār meñ hawker nikle

aag the aur baraste rahe paanī ban kar

nafas-e-bād the aur ḳhaak uḌā kar nikle

rāsta DhūñDh liyā ḳhud se judā ho ga.e ham

ek nādīda ko jab sāmne pā kar nikle

paaoñ jaltī huī talvār pe dhar kar guzre

sar pe ik baar amānat ko uThā kar nikle

ganj-e-guftar ko galiyon mein ganwa kar nikle

ek KHamoshi ko chehre pe saja kar nikle

teri duniya ne tere bhed ko samjha na suna

apna mansab to yahi tha ki sujha kar nikle

bint-e-kashmir ki roti hui fariyaad suno

ek KHabar bechne bazar mein hawker nikle

aag the aur baraste rahe pani ban kar

nafas-e-baad the aur KHak uDa kar nikle

rasta DhunDh liya KHud se juda ho gae hum

ek nadida ko jab samne pa kar nikle

paon jalti hui talwar pe dhar kar guzre

sar pe ek bar amanat ko uTha kar nikle