dharti ke KHuda shola-e-qindil gira den
dhartī ke ḳhudā sho'la-e-qindīl girā deñ
mumkin ho agar phūñk se sūraj ko bujhā deñ
maqtal ko chalā phir kisī shabbīr kā asġhar
keh do unheñ is daur ke harmal ko sadā deñ
yūsuf kā girebāñ ho ki mariyam kī tahārat
tohmat se ye har sīna-e-shabnam ko jalā deñ
gar chāheñ ye masjid ho kalīsā ho ki mandir
patthar ko zabāñ deñ kisī mimbar pe biThā deñ
'fātir' ye zamāne ke ḳhudāoñ kā chalan hai
nafrat kī jahāñ chāheñ ye dīvār uThā deñ
dharti ke KHuda sho'la-e-qindil gira den
mumkin ho agar phunk se suraj ko bujha den
maqtal ko chala phir kisi shabbir ka asghar
keh do unhen is daur ke harmal ko sada den
yusuf ka gireban ho ki mariyam ki tahaarat
tohmat se ye har sina-e-shabnam ko jala den
gar chahen ye masjid ho kalisa ho ki mandir
patthar ko zaban den kisi mimbar pe biTha den
'fatir' ye zamane ke KHudaon ka chalan hai
nafrat ki jahan chahen ye diwar uTha den
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
