sahmi sahmi si mere dil ki ye haalat kyun hai

sahmī sahmī sī mire dil kī ye hālat kyuuñ hai

kashmakash meñ huuñ unheñ mujh se 'adāvat kyuuñ hai

us ne hī mujh ko judā.ī kā diyā thā sadma

ab use merī mohabbat kī zarūrat kyuuñ hai

jab ujāloñ se nahīñ hai unheñ nafrat vahshat

phir havāoñ ko charāġhoñ se baġhāvat kyuuñ hai

maiñ ne apnoñ ke liye 'umr fanā kar Daalī

phir bhī har dam unheñ mujh se hī shikāyat kyuuñ hai

amn ke nā're sabhī log lagāte haiñ yahāñ

ḳhuun ke rang se rangīn siyāsat kyuuñ hai

kitne dhoke haiñ mile mujh ko mohabbat meñ tirī

phir bhī is dil ko batā tujh se mohabbat kyuuñ hai

zaḳhm hañs hañs ke 'habīb' us ne diye the lekin

merī hālat pe abhī itnī nadāmat kyuuñ hai

sahmi sahmi si mere dil ki ye haalat kyun hai

kashmakash mein hun unhen mujh se 'adawat kyun hai

us ne hi mujh ko judai ka diya tha sadma

ab use meri mohabbat ki zarurat kyun hai

jab ujalon se nahin hai unhen nafrat wahshat

phir hawaon ko charaghon se baghawat kyun hai

main ne apnon ke liye 'umr fana kar Dali

phir bhi har dam unhen mujh se hi shikayat kyun hai

amn ke na're sabhi log lagate hain yahan

KHun ke rang se rangin siyasat kyun hai

kitne dhoke hain mile mujh ko mohabbat mein teri

phir bhi is dil ko bata tujh se mohabbat kyun hai

zaKHm hans hans ke 'habib' us ne diye the lekin

meri haalat pe abhi itni nadamat kyun hai