dhup ka rang aaj kala hai
dhuup kā rang aaj kaalā hai
DhūñDhiye to kahāñ ujālā hai
chauñkiye yuuñ nahīñ añdheroñ se
ab siyāsat kā bol-bālā hai
ḳhud mujhe luuT kar luTeroñ meñ
naam kis ne mirā uchhālā hai
chhoḌ dī jab se vo galī maiñ ne
dil ko mushkil se hī sañbhālā hai
hai kashish un meñ aisī ki ham ne
un ke sāñche meñ ḳhud ko Dhālā hai
pūchh mat kyā kiyā hai jīvan bhar
maiñ ne har shaḳhs ko khañgālā hai
haiñ suḳhnavar ka.ī yahāñ naamī
par 'amar' kā kahan nirālā hai
dhup ka rang aaj kala hai
DhunDhiye to kahan ujala hai
chaunkiye yun nahin andheron se
ab siyasat ka bol-baala hai
KHud mujhe luT kar luTeron mein
nam kis ne mera uchhaala hai
chhoD di jab se wo gali main ne
dil ko mushkil se hi sanbhaala hai
hai kashish un mein aisi ki hum ne
un ke sanche mein KHud ko Dhaala hai
puchh mat kya kiya hai jiwan bhar
main ne har shaKHs ko khangala hai
hain suKHnawar kai yahan nami
par 'amar' ka kahan nirala hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
