KHushbu ke hawalon se magas yaad karenge
ḳhushbū ke havāloñ se magas yaad kareñge
phūloñ pe mahaktā huā ras yaad kareñge
kaTte hue peḌoñ se lipaT jaate haiñ panchhī
fitrat kā sabaq ahl-e-havas yaad kareñge
har saal guzarte hue lamhāt ne luuTā
ham biite hue kitne baras yaad kareñge
ye zulf ye abrū ye tabassum ye nazākat
ham chhūT ke bhī qaid-e-qafas yaad kareñge
us aañkh meñ taptā huā ik dasht hai 'ādil'
ai ġham kī ghaTā aur baras yaad kareñge
KHushbu ke hawalon se magas yaad karenge
phulon pe mahakta hua ras yaad karenge
kaTte hue peDon se lipaT jate hain panchhi
fitrat ka sabaq ahl-e-hawas yaad karenge
har sal guzarte hue lamhat ne luTa
hum bite hue kitne baras yaad karenge
ye zulf ye abru ye tabassum ye nazakat
hum chhuT ke bhi qaid-e-qafas yaad karenge
us aankh mein tapta hua ek dasht hai 'adil'
ai gham ki ghaTa aur baras yaad karenge
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
