phir KHabar is fasl mein yaro bahaar aane ki hai
phir ḳhabar is fasl meñ yaaro bahār aane kī hai
ab ba-juz zanjīr kyā tadbīr dīvāne kī hai
ḳhaak kar deve jalā kar pahle phir Tisve bahā.e
sham.a majlis meñ baḌī dil-soz parvāne kī hai
bhed zulfoñ kā bayāñ karne meñ ho jaatā hai guñg
varna kahne ko jo pūchho sau zabāñ shāne kī hai
shaiḳh us kī chashm ke goshe se goshe ho kahīñ
us taraf mat jaao nādāñ raah mai-ḳhāne kī hai
hausla tañgī kare hai shahr ke kūche haiñ tañg
ab havas dil meñ hamāre sair vīrāne kī hai
chāhiye kyā baat kahte ho jahāñ meñ qatl-e-ām
der muñh se ab tumhāre hukm farmāne kī hai
jī meñ aatā hai ki 'hātim' aaj us ko chheḌiye
muddatoñ se dil meñ hasrat gāliyāñ khāne kī hai
phir KHabar is fasl mein yaro bahaar aane ki hai
ab ba-juz zanjir kya tadbir diwane ki hai
KHak kar dewe jala kar pahle phir Tiswe bahae
shama majlis mein baDi dil-soz parwane ki hai
bhed zulfon ka bayan karne mein ho jata hai gung
warna kahne ko jo puchho sau zaban shane ki hai
shaiKH us ki chashm ke goshe se goshe ho kahin
us taraf mat jao nadan rah mai-KHane ki hai
hausla tangi kare hai shahr ke kuche hain tang
ab hawas dil mein hamare sair virane ki hai
chahiye kya baat kahte ho jahan mein qatl-e-am
der munh se ab tumhaare hukm farmane ki hai
ji mein aata hai ki 'hatim' aaj us ko chheDiye
muddaton se dil mein hasrat galiyan khane ki hai
- Book : Diwan-e-Zadah (Pg. 310)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
