wo rahat-e-ziyan bhi nahin zindagi ke sath

vo rāhat-e-ziyāñ bhī nahīñ zindagī ke saath

'umr-e-ravāñ ravāñ bhī nahīñ hai ḳhushī ke saath

vā.e-jigar malāl-e-tamannā tamām-shud

tum ab kisī ke saath ho vo ab kisī ke saath

socho jo tum bhī chal base duniyā-e-‘ishq se

aur mas.ala bhī hal na huā ḳhud-kushī ke saath

tum jis jagah pe sar ko jhukā.e ho vaañ se ham

sar ko kaTā ke aa.e haiñ ḳhanda-sarī ke saath

ai dasht-e-nā-ravā ye koī phuul haiñ bhalā

kuchh dukh paḌe mileñge yahāñ har ḳhushī ke saath

maiñ ḳhud ko qaid-e-band-e-mohabbat meñ kyuuñ rakhūñ

jab kaam chal rahā hai mirā dil-lagī ke saath

ye faiz-e-‘ishq-e-yār hai ‘abdullah-hāshmī’

maiñ soḳhta-vujūd khaḌā us parī ke saath

wo rahat-e-ziyan bhi nahin zindagi ke sath

'umr-e-rawan rawan bhi nahin hai KHushi ke sath

wae-jigar malal-e-tamanna tamam-shud

tum ab kisi ke sath ho wo ab kisi ke sath

socho jo tum bhi chal base duniya-e-‘ishq se

aur masala bhi hal na hua KHud-kushi ke sath

tum jis jagah pe sar ko jhukae ho wan se hum

sar ko kaTa ke aae hain KHanda-sari ke sath

ai dasht-e-na-rawa ye koi phul hain bhala

kuchh dukh paDe milenge yahan har KHushi ke sath

main KHud ko qaid-e-band-e-mohabbat mein kyun rakhun

jab kaam chal raha hai mera dil-lagi ke sath

ye faiz-e-‘ishq-e-yar hai ‘abdullah-hashmi’

main soKHta-wujud khaDa us pari ke sath