qaht-e-sada ke zaKHm baDa kaam kar gaye
qaht-e-sadā ke zaḳhm baḌā kaam kar gaye
maiñ chup thā aur mere fasāne bikhar gaye
khilte haiñ kisht-e-jāñ meñ abhī āhaToñ ke phuul
har-chand intizār ke mausam guzar gaye
aazar kā lams hai ki 'aqīdat ke bāl-o-par
patthar ravāñ-davāñ haiñ pujārī Thahar gaye
ab har khañDar ko ek makāñ farz kījiye
mehmāñ ke saath shahr ke dīvār-o-dar gaye
bhūñchāl se mu'āhide ātish se sāz-bāz
shāyad mire pahāḌ abadiyat se Dar gaye
barse kahīñ to saath añdhere bhī lā.eñge
bādal jo ik shu'ā' kī āvāz par gaye
ik pesh-goī hai ki jahāñ Dūbte haiñ shahr
ḳhatre ke us nishān se dariyā utar gaye
qaht-e-sada ke zaKHm baDa kaam kar gaye
main chup tha aur mere fasane bikhar gaye
khilte hain kisht-e-jaan mein abhi aahaTon ke phul
har-chand intizar ke mausam guzar gaye
aazar ka lams hai ki 'aqidat ke baal-o-par
patthar rawan-dawan hain pujari Thahar gaye
ab har khanDar ko ek makan farz kijiye
mehman ke sath shahr ke diwar-o-dar gaye
bhunchaal se mu'ahide aatish se saz-baz
shayad mere pahaD abadiyat se Dar gaye
barse kahin to sath andhere bhi laenge
baadal jo ek shu'a' ki aawaz par gaye
ek pesh-goi hai ki jahan Dubte hain shahr
KHatre ke us nishan se dariya utar gaye
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
