phaile hue hain shahr mein sae niDhaal se
phaile hue haiñ shahr meñ saa.e niDhāl se
jaa.eñ kahāñ nikal ke ḳhayāloñ ke jaal se
mashriq se merā rāsta maġhrib kī samt thā
us kā safar junūb kī jānib shumāl se
kaisā bhī talḳh zikr ho kaisī bhī tursh baat
un kī samajh meñ aa.egī gul kī misāl se
chup-chāp baiThe rahte haiñ kuchh bolte nahīñ
bachche bigaḌ ga.e haiñ bahut dekh-bhāl se
rañgoñ ko bahte dekhiye kamre ke farsh par
kirnoñ ke vaar rokiye shīshe kī Dhaal se
āñkhoñ meñ āñsuoñ kā kahīñ naam tak nahīñ
ab juute saaf kījiye un ke rumāl se
chehra bujhā bujhā sā pareshān zulf zulf
allāh dushmanoñ ko bachā.e vabāl se
phir pāniyoñ meñ nuqra.ī saa.e utar ga.e
phir raat jagmagā uThī chāñdī ke thaal se
phaile hue hain shahr mein sae niDhaal se
jaen kahan nikal ke KHayalon ke jal se
mashriq se mera rasta maghrib ki samt tha
us ka safar junub ki jaanib shumal se
kaisa bhi talKH zikr ho kaisi bhi tursh baat
un ki samajh mein aaegi gul ki misal se
chup-chap baiThe rahte hain kuchh bolte nahin
bachche bigaD gae hain bahut dekh-bhaal se
rangon ko bahte dekhiye kamre ke farsh par
kirnon ke war rokiye shishe ki Dhaal se
aankhon mein aansuon ka kahin nam tak nahin
ab jute saf kijiye un ke rumal se
chehra bujha bujha sa pareshan zulf zulf
allah dushmanon ko bachae wabaal se
phir paniyon mein nuqrai sae utar gae
phir raat jagmaga uThi chandi ke thaal se
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
