pyar ki dil mein jab umang nahin

pyaar kī dil meñ jab umang nahīñ

be-sabab karte ham bhī tang nahīñ

tum ise zehn meñ biThā lenā

ham sukūñ chāhte haiñ jang nahīñ

sarhadoñ par jo hogī holī to

ḳhuun hogā phir us meñ rang nahīñ

raat bhar jaag sub.h sote ho

'aish-o-ārām kā ye Dhang nahīñ

dostoñ ke havāle mat karnā

zindagī hai koī patang nahīñ

dil ke armān mar gaye shāyad

uThtī siine meñ ab tarang nahīñ

apnī marzī se jī sake 'bindal'

koī itnā bhī ab malang nahīñ

pyar ki dil mein jab umang nahin

be-sabab karte hum bhi tang nahin

tum ise zehn mein biTha lena

hum sukun chahte hain jang nahin

sarhadon par jo hogi holi to

KHun hoga phir us mein rang nahin

raat bhar jag subh sote ho

'aish-o-aram ka ye Dhang nahin

doston ke hawale mat karna

zindagi hai koi patang nahin

dil ke arman mar gaye shayad

uThti sine mein ab tarang nahin

apni marzi se ji sake 'bindal'

koi itna bhi ab malang nahin