pata kaise chale duniya ko qasr-e-dil ke jalne ka
pata kaise chale duniyā ko qasr-e-dil ke jalne kā
dhueñ ko rāsta miltā nahīñ bāhar nikalne kā
batā phūloñ kī masnad se utar ke tujh pe kyā guzrī
mirā kyā maiñ to aadī ho gayā kāñToñ pe chalne kā
mire ghar se ziyāda duur sahrā bhī nahīñ lekin
udāsī naam hī letī nahīñ bāhar nikalne kā
chaḌhegā zahr ḳhushbū kā use āhista āhista
kabhī bhugtegā vo ḳhamyāza phūloñ ko masalne kā
musalsal jāgne ke ba.ad ḳhvāhish ruuTh jaatī hai
chalan sīkhā hai bachche kī tarah us ne machalne kā
zar-e-dil le ke pahuñchā thā matā-e-jāñ bhī kho baiThā
diyā us ne na mauqa.a bhī kaf-e-afsos milne kā
ḳhushī se kaun kartā hai ġhamoñ kī parvarish 'sājid'
kise hai shauq logo dard ke sāñche meñ Dhalne kā
pata kaise chale duniya ko qasr-e-dil ke jalne ka
dhuen ko rasta milta nahin bahar nikalne ka
bata phulon ki masnad se utar ke tujh pe kya guzri
mera kya main to aadi ho gaya kanTon pe chalne ka
mere ghar se ziyaada dur sahra bhi nahin lekin
udasi nam hi leti nahin bahar nikalne ka
chaDhega zahr KHushbu ka use aahista aahista
kabhi bhugtega wo KHamyaza phulon ko masalne ka
musalsal jagne ke baad KHwahish ruTh jati hai
chalan sikha hai bachche ki tarah us ne machalne ka
zar-e-dil le ke pahuncha tha mata-e-jaan bhi kho baiTha
diya us ne na mauqa bhi kaf-e-afsos milne ka
KHushi se kaun karta hai ghamon ki parwarish 'sajid'
kise hai shauq logo dard ke sanche mein Dhalne ka
- Book : kulliyat-e-iqbaal saajid (Pg. 276)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
