Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

furqat-gazida jism hai aur waqt raat ka

Imran Javed

furqat-gazida jism hai aur waqt raat ka

Imran Javed

MORE BYImran Javed

    furqat-gazīda jism hai aur vaqt raat kā

    siine meñ aa ghusā hai ḳhalā kā.ināt kā

    ḳhālī kitāb rakh dī thī āñkhoñ ke rū-barū

    aur DhūñDnā thā rāsta us meñ najāt kā

    ik raushnī ne maañg lī qīmat vujūd kī

    hai qarz ye shu'ūr pe shāyad hayāt kā

    tasvīr kholtī rahī parteñ ḳhayāl kī

    har zāviya thā naqsh kisī vārdāt kā

    ḳhvāboñ ke jism chaak the nīñdoñ ke jabr se

    sūraj nikal rahā thā magar mumkināt kā

    sāñseñ to chal rahīñ thiiñ faqat rasm-e-zīst meñ

    ehsās par nahīñ thā koī bhī hayāt kā

    dhaḌkan meñ gūñjtī haiñ sadā.eñ purānī sī

    sannāTā boltā hai yahāñ roz raat kā

    maiñ ne ḳhalā ko chhū liyā andāz-e-‘ishq meñ

    maiñ hī vo aa.ina huuñ kisī mumkināt kā

    yādoñ kā shor phail gayā hai vujūd meñ

    āġhāz ho chukā hai na.ī kaifiyāt kā

    furqat-gazida jism hai aur waqt raat ka

    sine mein aa ghusa hai KHala kainat ka

    KHali kitab rakh di thi aankhon ke ru-baru

    aur DhunDna tha rasta us mein najat ka

    ek raushni ne mang li qimat wujud ki

    hai qarz ye shu'ur pe shayad hayat ka

    taswir kholti rahi parten KHayal ki

    har zawiya tha naqsh kisi wardat ka

    KHwabon ke jism chaak the nindon ke jabr se

    suraj nikal raha tha magar mumkinat ka

    sansen to chal rahin thin faqat rasm-e-zist mein

    ehsas par nahin tha koi bhi hayat ka

    dhaDkan mein gunjti hain sadaen purani si

    sannaTa bolta hai yahan roz raat ka

    main ne KHala ko chhu liya andaz-e-‘ishq mein

    main hi wo aaina hun kisi mumkinat ka

    yaadon ka shor phail gaya hai wujud mein

    aaghaz ho chuka hai nai kaifiyat ka

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Click on any word to get its meaning
    Speak Now