Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

chand ke sath kai dard purane nikle

Amjad Islam Amjad

chand ke sath kai dard purane nikle

Amjad Islam Amjad

MORE BYAmjad Islam Amjad

    chāñd ke saath ka.ī dard purāne nikle

    kitne ġham the jo tire ġham ke bahāne nikle

    fasl-e-gul aa.ī phir ik baar asīrān-e-vafā

    apne hī ḳhuun ke dariyā meñ nahāne nikle

    hijr kī choT 'ajab sang-shikan hotī hai

    dil kī be-faiz zamīnoñ se ḳhazāne nikle

    'umr guzrī hai shab-e-tār meñ āñkheñ malte

    kis 'ufuq se mirā ḳhurshīd na jaane nikle

    kū-e-qātil meñ chale jaise shahīdoñ kā julūs

    ḳhvāb yuuñ bhīgtī āñkhoñ ko sajāne nikle

    dil ne ik iiñT se tā'mīr kiyā tāj-mahal

    tū ne ik baat kahī laakh fasāne nikle

    dasht-e-tanhā.ī-e-hijrāñ meñ khaḌā sochtā huuñ

    haa.e kyā log mirā saath nibhāne nikle

    maiñ ne 'amjad' use be-vāsta dekhā hī nahīñ

    vo to ḳhushbū meñ bhī aahaT ke bahāne nikle

    chand ke sath kai dard purane nikle

    kitne gham the jo tere gham ke bahane nikle

    fasl-e-gul aai phir ek bar asiran-e-wafa

    apne hi KHun ke dariya mein nahane nikle

    hijr ki choT 'ajab sang-shikan hoti hai

    dil ki be-faiz zaminon se KHazane nikle

    'umr guzri hai shab-e-tar mein aankhen malte

    kis 'ufuq se mera KHurshid na jaane nikle

    ku-e-qatil mein chale jaise shahidon ka julus

    KHwab yun bhigti aankhon ko sajaane nikle

    dil ne ek inT se ta'mir kiya taj-mahal

    tu ne ek baat kahi lakh fasane nikle

    dasht-e-tanhai-e-hijran mein khaDa sochta hun

    hae kya log mera sath nibhane nikle

    main ne 'amjad' use be-wasta dekha hi nahin

    wo to KHushbu mein bhi aahaT ke bahane nikle

    Videos
    This video is playing from YouTube

    Videos
    This video is playing from YouTube

    Jagjit Singh

    Jagjit Singh

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Click on any word to get its meaning

    Jashn-e-Rekhta 11th Edition | 29-30-31 Jan, 2027 Buy Tickets

    Speak Now