shab-o-roz aur dam-ba-dam dekhte hain
shab-o-roz aur dam-ba-dam dekhte haiñ
unheñ phir bhī ham kitnā kam dekhte haiñ
nazar but-tarāshoñ kī jin ko milī hai
chaTānoñ ke andar sanam dekhte haiñ
ġhazab hai guloñ kī bahār-āfrīnī
tire ruḳh pe kitne iram dekhte haiñ
hai shīshe pe un kī nigāheñ bhī lekin
nahīñ dekhte vo jo ham dekhte haiñ
'ajab daur hai ye ki lafzoñ ke andar
adīboñ ke TuuTe qalam dekhte haiñ
nahīñ dekh sakte jise chāñd taare
vo manzar añdhere meñ ham dekhte haiñ
chhiḌā zikr jab bhī kisī gul-parī kā
'taqī' sirf sū-e-'ajam dekhte haiñ
shab-o-roz aur dam-ba-dam dekhte hain
unhen phir bhi hum kitna kam dekhte hain
nazar but-tarashon ki jin ko mili hai
chaTanon ke andar sanam dekhte hain
ghazab hai gulon ki bahaar-afrini
tere ruKH pe kitne iram dekhte hain
hai shishe pe un ki nigahen bhi lekin
nahin dekhte wo jo hum dekhte hain
'ajab daur hai ye ki lafzon ke andar
adibon ke TuTe qalam dekhte hain
nahin dekh sakte jise chand tare
wo manzar andhere mein hum dekhte hain
chhiDa zikr jab bhi kisi gul-pari ka
'taqi' sirf su-e-'ajam dekhte hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
