dil ke sune sahn mein gunji aahaT kis ke panw ki
dil ke suune sahn meñ gūñjī aahaT kis ke paañv kī
dhūp-bhare sannāTe meñ āvāz sunī hai chhāñv kī
ik manzar meñ saare manzar pas-manzar ho jaane haiñ
ik dariyā meñ mil jaanī haiñ lahreñ sab dariyāoñ kī
dasht-navardī aur hijrat se apnā gahrā rishta hai
apnī miTTī meñ shāmil hai miTTī kuchh sahrāoñ kī
bārish kī būñdoñ se ban meñ tan meñ ek bahār aa.ī
ghar ghar gaa.e giit gagan ne gaūñjīñ galiyāñ gaañv kī
sub.h savere nañge paañv ghaas pe chalnā aisā hai
jaise baap kā pahlā bosa qurbat jaise maaoñ kī
ik jaisā ehsās lahū meñ jiitā jāgtā rahtā hai
ek udāsī de jaatī hai dastak roz havāoñ kī
sīnoñ aur zamīnoñ kā ab manzar-nāma badlegā
har sū kasrat ho jaanī hai phūloñ aur duāoñ kī
dil ke sune sahn mein gunji aahaT kis ke panw ki
dhup-bhare sannaTe mein aawaz suni hai chhanw ki
ek manzar mein sare manzar pas-manzar ho jaane hain
ek dariya mein mil jaani hain lahren sab dariyaon ki
dasht-nawardi aur hijrat se apna gahra rishta hai
apni miTTi mein shamil hai miTTi kuchh sahraon ki
barish ki bundon se ban mein tan mein ek bahaar aai
ghar ghar gae git gagan ne gaunjin galiyan ganw ki
subh sawere nange panw ghas pe chalna aisa hai
jaise bap ka pahla bosa qurbat jaise maon ki
ek jaisa ehsas lahu mein jita jagta rahta hai
ek udasi de jati hai dastak roz hawaon ki
sinon aur zaminon ka ab manzar-nama badlega
har su kasrat ho jaani hai phulon aur duaon ki
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
