nisar yun to hua tujh pe naqd-e-jaan kya kya

nisār yuuñ to huā tujh pe naqd-e-jāñ kyā kyā

magar rahā bhī tirā husn sargirāñ kyā kyā

alag alag bhī bahut dil-fareb niklegī

kaheñge log abhī terī dāstāñ kyā kyā

hisāb-e-mai hai harīfān-e-bāda-paimā se

uThegā ab ke rag-e-tāk se dhuāñ kyā kyā

nafs kī rau meñ koī pech-o-tāb dariyā thā

gayā hai vādī-e-jāñ se ravāñ-davāñ kyā kyā

vafā kī raat koī ittifāq thī lekin

pukārte haiñ musāfir ko sā.ebāñ kyā kyā

hazār sham.eñ jalā.e hue khaḌī hai ḳhirad

magar fazā meñ añdherā hai darmiyāñ kyā kyā

nisar yun to hua tujh pe naqd-e-jaan kya kya

magar raha bhi tera husn sargiran kya kya

alag alag bhi bahut dil-fareb niklegi

kahenge log abhi teri dastan kya kya

hisab-e-mai hai harifan-e-baada-paima se

uThega ab ke rag-e-tak se dhuan kya kya

nafs ki rau mein koi pech-o-tab dariya tha

gaya hai wadi-e-jaan se rawan-dawan kya kya

wafa ki raat koi ittifaq thi lekin

pukarte hain musafir ko saeban kya kya

hazar shamen jalae hue khaDi hai KHirad

magar faza mein andhera hai darmiyan kya kya