چاند کو اس کی حویلی میں اتارا ہوگا
چاند کو اس کی حویلی میں اتارا ہوگا
اس کو جس روز فرشتوں نے سنوارا ہوگا
پھول کھلنے لگے لینے لگی رت انگڑائی
یہ یقیناً ترے آنے کا اشارہ ہوگا
وہ جو کچھ دیر میرے سامنے آ بیٹھیں گے
کتنا دلکش وہ محبت کا نظارہ ہوگا
دیکھ کر ہم کو چرا لیتے ہیں جب وہ نظریں
کیسے اس شہر میں پھر اپنا گزارا ہوگا
جستجو اس کی نہ چھوڑیں گے کبھی ہم اے دل
اک نہ اک روز تو وہ شخص ہمارا ہوگا
کوئی جرأت نہیں کرتا یہاں سچ بولنے کی
ہم نے سچ بولا تو یہ جرم ہمارا ہوگا
عمر بھر کام جو لیتا رہا خودداری سے
کب کسی کا اسے احسان گوارا ہوگا
دیر لگتی نہیں قسمت کو بدلتے مومنؔ
دیکھنا اپنا بلندی پہ ستارہ ہوگا
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
