but-kadon mein na kuchh KHanqahon mein hai
but-kadoñ meñ na kuchh ḳhānqāhoñ meñ hai
aaj sab kuchh hamārī nigāhoñ meñ hai
dam meñ in zulmatoñ kā bharam khol duuñ
aisī tābish bhī merī nigāhoñ meñ hai
zindagī meñ abhī vo nazākat kahāñ
maiñ ne maanā lachak terī bāhoñ meñ hai
hai ba-jā un kī chaukhaT pe darmāñdagī
mā-sivā bhī mohabbat kī rāhoñ meñ hai
raqs-e-bismil se uThte haiñ tūfāñ jahāñ
terā 'hindī' unhīñ raqs-gāhoñ meñ hai
but-kadon mein na kuchh KHanqahon mein hai
aaj sab kuchh hamari nigahon mein hai
dam mein in zulmaton ka bharam khol dun
aisi tabish bhi meri nigahon mein hai
zindagi mein abhi wo nazakat kahan
main ne mana lachak teri bahon mein hai
hai ba-ja un ki chaukhaT pe darmandagi
ma-siwa bhi mohabbat ki rahon mein hai
raqs-e-bismil se uThte hain tufan jahan
tera 'hindi' unhin raqs-gahon mein hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
