badan ko jumbish-e-abru se be-jaan kar gaya koi
badan ko jumbish-e-abrū se be-jāñ kar gayā koī
mujhe to do ghaḌī meñ shaḳhs hairāñ kar gayā koī
alāpā ik bhikārī ne galī meñ hiir kā dohā
mire kūche meñ aakar phir pareshāñ kar gayā koī
na-jāne kitnī mushkil se kiyā thā maiñ ne āmāda
magar purkhoñ ko phir mujh se hī nālāñ kar gayā koī
ḳhudā jaane chhupā.e phir rahe the chaar sāloñ se
kahānī ke sabhī kirdār 'uryāñ kar gayā koī
zarā sā muskurā kar paas se guzrā hai kyā 'qaisar'
mire har dard kā lamhe meñ darmāñ kar gayā koī
badan ko jumbish-e-abru se be-jaan kar gaya koi
mujhe to do ghaDi mein shaKHs hairan kar gaya koi
alapa ek bhikari ne gali mein hir ka doha
mere kuche mein aakar phir pareshan kar gaya koi
na-jaane kitni mushkil se kiya tha main ne aamada
magar purkhon ko phir mujh se hi nalan kar gaya koi
KHuda jaane chhupae phir rahe the chaar salon se
kahani ke sabhi kirdar 'uryan kar gaya koi
zara sa muskura kar pas se guzra hai kya 'qaisar'
mere har dard ka lamhe mein darman kar gaya koi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
