TuTi phuTi shaKHon mein jo aTke aTke par hote hain
TuuTī phūTī shāḳhoñ meñ jo aTke aTke par hote haiñ
peḌoñ kī fariyād bhī sun lo peḌoñ par bhī ghar hote haiñ
bāteñ us ko pahuñch ga.ī hoñ us ko bāteñ pahuñch na jaa.eñ
haa.e mohabbat 'ahd meñ tere kaise kaise Dar hote haiñ
ġham tanhā jab bhī dekhegā hamla-āvar ho jā.egā
talvāreñ bhī tab chaltī haiñ jab ham nange sar hote haiñ
yāroñ kī mahfil se achchhī ik mahfil vo bhī hotī hai
tanhā.ī kī āvāzoñ meñ shaam ko jab ham ghar hote haiñ
TuTi phuTi shaKHon mein jo aTke aTke par hote hain
peDon ki fariyaad bhi sun lo peDon par bhi ghar hote hain
baaten us ko pahunch gai hon us ko baaten pahunch na jaen
hae mohabbat 'ahd mein tere kaise kaise Dar hote hain
gham tanha jab bhi dekhega hamla-awar ho jaega
talwaren bhi tab chalti hain jab hum nange sar hote hain
yaron ki mahfil se achchhi ek mahfil wo bhi hoti hai
tanhai ki aawazon mein sham ko jab hum ghar hote hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
