yun hi zaban pe lag gaya qatra sharab ka

yuuñ hī zabāñ pe lag gayā qatra sharāb kā

shab bhar rahā dimāġh pe qabza sharāb kā

mujh par ḳhumār to nahīñ tanhā sharāb kā

aadhā nasha hai 'ishq kā aadhā sharāb kā

yādeñ tumhārī hosh meñ taḌpā.eñgī hameñ

mar jā.eñge agar nasha utrā sharāb kā

ik do gilās se merā hogā bhī kyā miyāñ

laao koī nadī koī dariyā sharāb kā

āsān hai pata mirā masjid ke sāmne

ik do makān chhoḌ ke Thekā sharāb kā

ham ko ġhazal to phuul pe likhnī thī par 'anas'

jaane kahāñ se aa gayā misra' sharāb kā

yun hi zaban pe lag gaya qatra sharab ka

shab bhar raha dimagh pe qabza sharab ka

mujh par KHumar to nahin tanha sharab ka

aadha nasha hai 'ishq ka aadha sharab ka

yaaden tumhaari hosh mein taDpaengi hamein

mar jaenge agar nasha utra sharab ka

ek do gilas se mera hoga bhi kya miyan

lao koi nadi koi dariya sharab ka

aasan hai pata mera masjid ke samne

ek do makan chhoD ke Theka sharab ka

hum ko ghazal to phul pe likhni thi par 'anas'

jaane kahan se aa gaya misra' sharab ka