suKHan ka masala lafz-e-kitab tak nahin hai

suḳhan kā mas.ala lafz-e-kitāb tak nahīñ hai

ye kulliyāt mirā intiḳhāb tak nahīñ hai

gañvā ke 'umr uThā huuñ tumhārī niiñd se maiñ

malāl aañkh meñ aisā hai ḳhvāb tak nahīñ hai

ba-zo'm-e-sīna-e-kHālī mileñge ab us se

ki dekh le to kahe iztirāb tak nahīñ hai

vo chashm-e-qarz-farosh aa rahī hai so maiñ bhī

luTā rahā huuñ ki jo dastyāb tak nahīñ hai

firāq vo hai ki ab dekhne se us ko ga.e

ḳhushā ki biich meñ parda naqāb tak nahīñ hai

tamām 'umr kaTī us ke vaar ginte hue

jo zaḳhm khaa.e haiñ un kā hisāb tak nahīñ hai

khudā kare ki tire paañv se uTheñ hī nahīñ

par ab to haath uThāne kī taab tak nahīñ hai

suKHan ka masala lafz-e-kitab tak nahin hai

ye kulliyat mera intiKHab tak nahin hai

ganwa ke 'umr uTha hun tumhaari nind se main

malal aankh mein aisa hai KHwab tak nahin hai

ba-zo'm-e-sina-e-kHali milenge ab us se

ki dekh le to kahe iztirab tak nahin hai

wo chashm-e-qarz-farosh aa rahi hai so main bhi

luTa raha hun ki jo dastyab tak nahin hai

firaq wo hai ki ab dekhne se us ko gae

KHusha ki bich mein parda naqab tak nahin hai

tamam 'umr kaTi us ke war ginte hue

jo zaKHm khae hain un ka hisab tak nahin hai

khuda kare ki tere panw se uThen hi nahin

par ab to hath uThane ki tab tak nahin hai