nalan hua hai jal kar sine mein man hamara

nālāñ huā hai jal kar siine meñ man hamārā

piñjre meñ boltā hai garm aaj agan hamārā

piirī kamān kī juuñ māne' nahīñ akaḌ kuuñ

hai zo'f biich duunā ab bāñkpan hamārā

chaltā hai jiiv jis par jaate haiñ us ke pīchhe

saude meñ 'ishq ke hai ab ye chalan hamārā

milne kī hikmateñ sab aatī haiñ ham ko ik ik

go bū-alī ho lauñDā khātā hai fan hamārā

majlis meñ 'āshiqoñ kī aur hī bahār ho jā

aave jabhī rañgīlā gul-pairahan hamārā

is vaqt jaan pyāre ham pāvate haiñ jī sā

lagtā hai jab badan se tere badan hamārā

ye muskurāonā hai to kis tarah jiyūñgā

tum ko to ye hañsī hai par hai maran hamārā

'izzat hai jauharī kī jo qīmtī ho gauhar

hai 'ābrū' haman kuuñ jag meñ suḳhan hamārā

nalan hua hai jal kar sine mein man hamara

pinjre mein bolta hai garm aaj agan hamara

piri kaman ki jun mane' nahin akaD kun

hai zo'f bich duna ab bankpan hamara

chalta hai jiw jis par jate hain us ke pichhe

saude mein 'ishq ke hai ab ye chalan hamara

milne ki hikmaten sab aati hain hum ko ek ek

go bu-ali ho launDa khata hai fan hamara

majlis mein 'ashiqon ki aur hi bahaar ho ja

aawe jabhi rangila gul-pairahan hamara

is waqt jaan pyare hum pawate hain ji sa

lagta hai jab badan se tere badan hamara

ye muskuraona hai to kis tarah jiyunga

tum ko to ye hansi hai par hai maran hamara

'izzat hai jauhari ki jo qimti ho gauhar

hai 'abru' haman kun jag mein suKHan hamara