ab taqche ki dip ko KHwahish nahin rahi
ab tāqche kī diip ko ḳhvāhish nahīñ rahī
āñkhoñ meñ soz dil meñ bhī ātish nahīñ rahī
kār-e-jahāñ meñ ho ga.e masrūf tum bhī jab
ab furqatoñ se ham ko bhī ranjish nahīñ rahī
kyā kūza-gar se ho kisī taḳhlīq kī umiid
miTTī pe haath chaak meñ gardish nahīñ rahī
oḌhī hai ham ne jab se ridā-e-munāfiqat
dushman ko ab zarūrat-e-sāzish nahīñ rahī
dekhā hai panchhiyoñ ko shikam-ser lauTte
darvesh huuñ umīd-e-navāzish nahīñ rahī
ab taqche ki dip ko KHwahish nahin rahi
aankhon mein soz dil mein bhi aatish nahin rahi
kar-e-jahan mein ho gae masruf tum bhi jab
ab furqaton se hum ko bhi ranjish nahin rahi
kya kuza-gar se ho kisi taKHliq ki umid
miTTi pe hath chaak mein gardish nahin rahi
oDhi hai hum ne jab se rida-e-munafiqat
dushman ko ab zarurat-e-sazish nahin rahi
dekha hai panchhiyon ko shikam-ser lauTte
darwesh hun umid-e-nawazish nahin rahi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
