jab se KHat hai siyah-Khaal ki thang

jab se ḳhat hai siyāh-ḳhāl kī thāng

tab se luTtī hai hind chāroñ daañg

baat 'amal kī chalī hī jaatī hai

hai magar auj-bin-unuq kī Taañg

ban jo kuchh ban sake javānī meñ

raat to thoḌī hai bahut hai saañg

'ishq kā shor koī chhuptā hai

nāla-e-andalīb hai gul-bāñg

us zaqan meñ bhī sabzī hai ḳhat kī

dekho jīdhar kuñ.eñ paḌī hai bhāñg

kis tarah un se koī garm mile

sīm-tan pighle jaate haiñ joñ raañg

chalī jaatī hai hasab qadr-e-buland

duur tak us pahāḌ kī hai Daañg

tafra bātil thā tuur par apne

varna jaate ye dauḌ ham bhī phalāñg

maiñ ne kyā us ġhazal ko sahl kiyā

qāfiye hī the us ke ūT-paTāñg

'mīr' bandoñ se kaam kab niklā

māñgnā hai jo kuchh ḳhudā se maañg

jab se KHat hai siyah-KHal ki thang

tab se luTti hai hind chaaron dang

baat 'amal ki chali hi jati hai

hai magar auj-bin-unuq ki Tang

ban jo kuchh ban sake jawani mein

raat to thoDi hai bahut hai sang

'ishq ka shor koi chhupta hai

nala-e-andalib hai gul-bang

us zaqan mein bhi sabzi hai KHat ki

dekho jidhar kunen paDi hai bhang

kis tarah un se koi garm mile

sim-tan pighle jate hain jon rang

chali jati hai hasab qadr-e-buland

dur tak us pahaD ki hai Dang

tafra baatil tha tur par apne

warna jate ye dauD hum bhi phalang

main ne kya us ghazal ko sahl kiya

qafiye hi the us ke uT-paTang

'mir' bandon se kaam kab nikla

mangna hai jo kuchh KHuda se mang