zehnon ko bimar banaya jata hai
zehnoñ ko bīmār banāyā jaatā hai
shabdoñ ko hathyār banāyā jaatā hai
zāhir ko asrār banāyā jaatā hai
jismoñ ko auzār banāyā jaatā hai
pahle paidā kī jaatī hai ḳhvāhish phir
us kā ik bāzār banāyā jaatā hai
jo rasta hai us ḳhāliq tak jaane kā
us ko hī dīvār banāyā jaatā hai
jis kūchī se nafrat kī tasvīr banī
pāgal us se pyaar banāyā jaatā hai
afsāna afsāna hī tab lagtā hai
jab terā kirdār banāyā jaatā hai
zehnon ko bimar banaya jata hai
shabdon ko hathyar banaya jata hai
zahir ko asrar banaya jata hai
jismon ko auzar banaya jata hai
pahle paida ki jati hai KHwahish phir
us ka ek bazar banaya jata hai
jo rasta hai us KHaliq tak jaane ka
us ko hi diwar banaya jata hai
jis kuchi se nafrat ki taswir bani
pagal us se pyar banaya jata hai
afsana afsana hi tab lagta hai
jab tera kirdar banaya jata hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
