meri aankhon mein tere pyar ka aansu aae
merī āñkhoñ meñ tire pyaar kā aañsū aa.e
koī ḳhushbū maiñ lagā.ūñ tirī ḳhushbū aa.e
vaqt-e-ruḳhsat kahīñ taare kahīñ jugnū aa.e
haar pahnāne mujhe phuul se baazū aa.e
maiñ ne din raat ḳhudā se ye duā māñgī thī
koī aahaT na ho dar par mire jab tū aa.e
in dinoñ aap kā aalam bhī ajab aalam hai
tiir khāyā huā jaise koī aahū aa.e
us kī bāteñ ki gul-o-lāla pe shabnam barse
sab ko apnāne kā us shoḳh ko jaadū aa.e
us ne chhū kar mujhe patthar se phir insān kiyā
muddatoñ ba.ad mirī āñkhoñ meñ aañsū aa.e
meri aankhon mein tere pyar ka aansu aae
koi KHushbu main lagaun teri KHushbu aae
waqt-e-ruKHsat kahin tare kahin jugnu aae
haar pahnane mujhe phul se bazu aae
main ne din raat KHuda se ye dua mangi thi
koi aahaT na ho dar par mere jab tu aae
in dinon aap ka aalam bhi ajab aalam hai
tir khaya hua jaise koi aahu aae
us ki baaten ki gul-o-lala pe shabnam barse
sab ko apnane ka us shoKH ko jadu aae
us ne chhu kar mujhe patthar se phir insan kiya
muddaton baad meri aankhon mein aansu aae
- Book : Aahat (Pg. 20)
- Author : Bashir Badar
- Publication : M.R. Publications (2011)
- Edition : 2011
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
