wahi tu hai teri mahfil wahi hai
vahī tū hai tirī mahfil vahī hai
vahī ham haiñ hamārā dil vahī hai
hazāroñ rāhbar haiñ rāste meñ
magar andesha-e-manzil vahī hai
palak par ruk gayā hai jo sitārā
dil-e-ḳhūñ-gashta kā hāsil vahī hai
jise tūfān-e-ġham kahtī hai duniyā
mirī ummīd kā sāhil vahī hai
masīhā jis ko tū samjhā hai 'muztar'
tire sar kī qasam qātil vahī hai
wahi tu hai teri mahfil wahi hai
wahi hum hain hamara dil wahi hai
hazaron rahbar hain raste mein
magar andesha-e-manzil wahi hai
palak par ruk gaya hai jo sitara
dil-e-KHun-gashta ka hasil wahi hai
jise tufan-e-gham kahti hai duniya
meri ummid ka sahil wahi hai
masiha jis ko tu samjha hai 'muztar'
tere sar ki qasam qatil wahi hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
