dhyan mein aa kar baiTh gae ho tum bhi nan

dhyān meñ aa kar baiTh ga.e ho tum bhī naañ

mujhe musalsal dekh rahe ho tum bhī naañ

de jaate ho mujh ko kitne rañg na.e

jaise pahlī baar mile ho tum bhī naañ

har manzar meñ ab ham donoñ hote haiñ

mujh meñ aise aan base ho tum bhī naañ

ishq ne yuuñ donoñ ko aamez kiyā

ab to tum bhī kah dete ho tum bhī naañ

ḳhud hī kaho ab kaise sañvar saktī huuñ maiñ

ā.īne meñ tum hote ho tum bhī naañ

ban ke hañsī hoñToñ par bhī rahte ho

ashkoñ meñ bhī tum bahte ho tum bhī naañ

merī band āñkheñ tum paḌh lete ho

mujh ko itnā jaan chuke ho tum bhī naañ

maañg rahe ho ruḳhsat aur ḳhud hī

haath meñ haath liye baiThe ho tum bhī naañ

dhyan mein aa kar baiTh gae ho tum bhi nan

mujhe musalsal dekh rahe ho tum bhi nan

de jate ho mujh ko kitne rang nae

jaise pahli bar mile ho tum bhi nan

har manzar mein ab hum donon hote hain

mujh mein aise aan base ho tum bhi nan

ishq ne yun donon ko aamez kiya

ab to tum bhi kah dete ho tum bhi nan

KHud hi kaho ab kaise sanwar sakti hun main

aaine mein tum hote ho tum bhi nan

ban ke hansi honTon par bhi rahte ho

ashkon mein bhi tum bahte ho tum bhi nan

meri band aankhen tum paDh lete ho

mujh ko itna jaan chuke ho tum bhi nan

mang rahe ho ruKHsat aur KHud hi

hath mein hath liye baiThe ho tum bhi nan