badnam raha hun kabhi mashhur raha hun
badnām rahā huuñ kabhī mash.hūr rahā huuñ
har shaḳhs kī āñkhoñ kā magar nuur rahā huuñ
ik 'umr huī tujh se marāsim bhī nahīñ hai
ik 'umr tire naam se mash.hūr rahā huuñ
mere hī pasīne se mahaktī hai ye bastī
ik 'umr talak maiñ yahīñ mazdūr rahā huuñ
maiñ ne hī sajā.ī hai adab kī ye havelī
maiñ hī to kabhī 'mīr' kabhī 'sūr' rahā huuñ
badnam raha hun kabhi mashhur raha hun
har shaKHs ki aankhon ka magar nur raha hun
ek 'umr hui tujh se marasim bhi nahin hai
ek 'umr tere nam se mashhur raha hun
mere hi pasine se mahakti hai ye basti
ek 'umr talak main yahin mazdur raha hun
main ne hi sajai hai adab ki ye haweli
main hi to kabhi 'mir' kabhi 'sur' raha hun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
