pyar anqa hai miyan shahr-e-mohabbat mein bhi
pyaar 'anqā hai miyāñ shahr-e-mohabbat meñ bhī
ik rukāvaT hai yahāñ kār-e-suhūlat meñ bhī
ek nākām mohabbat kī badaulat hamdam
dil girafta hai mirā 'ahd-e-masarrat meñ bhī
chhoḌ kar kār-e-jahāñ yaad tujhe karte the
ab hameñ yaad nahīñ aatā tū fursat meñ bhī
ḳhud ko barbād mohabbat meñ mukammal na kiyā
kaam aanā thā mujhe aglī mohabbat meñ bhī
itnā be-zār huā huuñ maiñ tirī furqat meñ
ik aziyyat hai mujhe lafz-e-masarrat meñ bhī
pyar 'anqa hai miyan shahr-e-mohabbat mein bhi
ek rukawaT hai yahan kar-e-suhulat mein bhi
ek nakaam mohabbat ki badaulat hamdam
dil girafta hai mera 'ahd-e-masarrat mein bhi
chhoD kar kar-e-jahan yaad tujhe karte the
ab hamein yaad nahin aata tu fursat mein bhi
KHud ko barbaad mohabbat mein mukammal na kiya
kaam aana tha mujhe agli mohabbat mein bhi
itna be-zar hua hun main teri furqat mein
ek aziyyat hai mujhe lafz-e-masarrat mein bhi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
