apni nazron se main utar jaun
apnī nazroñ se maiñ utar jā.ūñ
ḳhud ko duuñ zaḳhm aur mukar jā.ūñ
muflisī zinda rakkhe hai mujh ko
varna maiñ zahr khā ke mar jā.ūñ
merī vahshat kā hal nikāl ḳhudā
ḳhud-kushī maiñ kahīñ na kar jā.ūñ
noch luuñ apne jism ke aa'zā
aur phir zaḳhm dekh Dar jā.ūñ
log turbat pe laat māreñ mirī
is jahāñ se maiñ jab guzar jā.ūñ
kar de bad-nām is tarah se mujhe
log 'vahshī' kaheñ jidhar jā.ūñ
apni nazron se main utar jaun
KHud ko dun zaKHm aur mukar jaun
muflisi zinda rakkhe hai mujh ko
warna main zahr kha ke mar jaun
meri wahshat ka hal nikal KHuda
KHud-kushi main kahin na kar jaun
noch lun apne jism ke aa'za
aur phir zaKHm dekh Dar jaun
log turbat pe lat maren meri
is jahan se main jab guzar jaun
kar de bad-nam is tarah se mujhe
log 'wahshi' kahen jidhar jaun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
