mauzu-e-suKHan himmat-e-ali hi rahegi

mauzū-e-suḳhan himmat-e-ālī hī rahegī

jo tarz nikālūñgā misālī hī rahegī

ab mujh se ye duniyā mirā sar maañg rahī hai

kambaḳht mire aage savālī hī rahegī

vo nashsha-e-ġham ho ki ḳhumār-e-mai-e-pindār

dil vāloñ ke chehre pe bahālī hī rahegī

ab tak to kisī ġhair kā ehsāñ nahīñ mujh par

qātil bhī koī chāhne vaalī hī rahegī

maiñ laakh ise taaza rakhūñ dil ke lahū se

lekin tirī tasvīr ḳhayālī hī rahegī

is dil pe Thaharne kā nahīñ 'zeb' koī naqsh

ye aañkh kisī rang se ḳhālī hī rahegī

mauzu-e-suKHan himmat-e-ali hi rahegi

jo tarz nikalunga misali hi rahegi

ab mujh se ye duniya mera sar mang rahi hai

kambaKHt mere aage sawali hi rahegi

wo nashsha-e-gham ho ki KHumar-e-mai-e-pindar

dil walon ke chehre pe bahaali hi rahegi

ab tak to kisi ghair ka ehsan nahin mujh par

qatil bhi koi chahne wali hi rahegi

main lakh ise taza rakhun dil ke lahu se

lekin teri taswir KHayali hi rahegi

is dil pe Thaharne ka nahin 'zeb' koi naqsh

ye aankh kisi rang se KHali hi rahegi