us ghar mein rahne walon ki be-ghar hai zindagi
us ghar meñ rahne vāloñ kī be-ghar hai zindagī
zinda haiñ aur maut ke muñh par hai zindagī
tere baġhair zindagī kaise ho zindagī
ḳhvāhish hai ḳhud-kushī kī mayassar hai zindagī
merī hatheliyoñ meñ haiñ tere gulāb gaal
terī qasam ḳhudā ke barābar hai zindagī
āñkhoñ ke sāmne haiñ parī-vash kī uñgliyāñ
sar par khaḌī hai maut laboñ par hai zindagī
sūd-o-ziyāñ se duur mohabbat ke ās-pās
hañstī huī udāsī kā manzar hai zindagī
kāġhaz qalam ke biich kī vus'at ke darmiyān
tere hasīn chehre kī mehvar hai zindagī
vaqt-e-ajal pukārūñgā 'kāshif' 'alī 'alī
karbal kā huuñ faqīr so azbar hai zindagī
us ghar mein rahne walon ki be-ghar hai zindagi
zinda hain aur maut ke munh par hai zindagi
tere baghair zindagi kaise ho zindagi
KHwahish hai KHud-kushi ki mayassar hai zindagi
meri hatheliyon mein hain tere gulab gal
teri qasam KHuda ke barabar hai zindagi
aankhon ke samne hain pari-wash ki ungliyan
sar par khaDi hai maut labon par hai zindagi
sud-o-ziyan se dur mohabbat ke aas-pas
hansti hui udasi ka manzar hai zindagi
kaghaz qalam ke bich ki wus'at ke darmiyan
tere hasin chehre ki mehwar hai zindagi
waqt-e-ajal pukarunga 'kashif' 'ali 'ali
karbal ka hun faqir so azbar hai zindagi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
